"ბუშეტი" მომხმარებელს პროდუქციის ფართო არჩევანს სთავაზობს
Opinions expressed by Entrepreneur contributors are their own.
You're reading Entrepreneur Georgia, an international franchise of Entrepreneur Media.
„ბუშეტი" ქართული ბრენდია, რომელიც 2017 წლის მიწურულს ირაკლი ღოღობერიძემ დააფუძნა. იგი მომხმარებელს განსაკუთრებულ სერვისს სთავაზობს, რაც ლიმიტირებული რაოდენობით ჩამოსხმულ ღვინოზე ინდივიდუალურ ეტიკეტირებას გულისხმობს. გარდა იმისა, რომ შეგიძლიათ საყვარელი ადამიანი გაახაროთ, განსხვავებული გემოვნების მქონე მყიდველს საშუალება ეძლევა ღვინის მრავალფეროვანი სახეობებიდან მისთვის სასურველი აარჩიოს – იქნება ეს საფერავი, რქაწითელი, წინანდალი, ხვანჭკარა თუ სხვა.
„ბუშეტი" მხოლოდ ღვინის სახეობასა და ეტიკეტირებაზე არ ამახვილებს აქცენტს. იგი კლიენტს დამატებით კრაფტის ქაღალდის ან ხის ყუთის შეფუთვას სთავაზობს. ეს კი საჩუქარს განსაკუთრებულ იერს სძენს, რაც მნიშვნელოვანია პროდუქტით დაინტერესებული როგორც კერძო პირისთვის, ისე კომპანიებისთვის.
ბრენდი მუდმივად ცდილობს მომხმარებლის აზრებს მოუსმინოს და მათი ინტერესების გათვალისწინებით დროდადრო სიახლეებით გაანებივროს. ამჯერად „ბუშეტის" გუნდმა გადაწყვიტა კლიენტებისთვის უფრო დიდი არჩევანის საშუალება მიეცა. გარდა მხოლოდ სტანდარტული ბოთლის ღვინისა (0,75), კომპანიამ დაინტერესებულ პირებს 1,5 და 3-ლიტრიან ბოთლებში ჩამოსხმული სასმელი შესთავაზა, რომლის შეძენა უკვე შესაძლებელია.
Entrepreneur-თან საუბრისას ბრენდის დამფუძნებელი აღნიშნავს, რომ „ბუშეტის" პერსონიფიცირებული ღვინის შეკვეთა ონლაინ – Facebook-ისა და Instagram-ის მეშვეობით შეძლება, ასევე Entrepreneur Shop-ზე. მიწოდება კი 3 დღის განმავლობაში ხდება – როგორც თბილისის მასშტაბით, ისე დედაქალაქის ფარგლებს გარეთ.
