ილონ მასკის მიერ Twitter-ის 9%-იანი წილის შეძენის შემდეგ, კომპანიის აქციების ღირებულება 25%-ზე მეტით გაიზარდა
You're reading Entrepreneur Georgia, an international franchise of Entrepreneur Media.
Tesla-ს აღმასრულებელ დირექტორ ილონ მასკის მიერ Twitter-ის აქციების შეძენამ იგი ამ სოციალური ქსელის უმსხვილეს გარე აქციონერად აქცია. აღსანიშნავია, რომ გარიგებას უძღოდა მასკის კრიტიკა Twitter-ის მიმართ, სიტყვის თავისუფლების შეზღუდვასთან დაკავშირებით.
ამ დროისთვის ილონ მასკი Twitter-ის 73 486 938 აქციას ფლობს, რაც კომპანიის 9,2%-იან წილს, ანუ დაახლოებით $2,89 მილიარდს შეადგენს.
მიუხედავად იმისა, რომ ეს გარიგება პასიურ ინვესტიციად მიიჩნევა, Twitter-ის აქციების ფასი 4 აპრილის მონაცემებით 25%-ით გაიზარდა.
მოგეხსენებათ, ილონ მასკიTwitter-ის საკმაოდ აქტიური მომხმარებელი გახლავთ და ამ პლატფორმაზე 80 მილიონზე მეტი გამომწერი ჰყავს. წლების განმავლობაში, Tesla-ს დირექტორის „თვითები" კომპანიისა და თავად ილონის გულშემატკივრებისათვის ინფორმაციის მიღების ერთ-ერთ მთავარ წყაროდ იქცა, ხოლო ბევრი კრიტიკოსი, დღემდე, მასკის პოსტებს მისი მხრიდან სპეკულაციურ ნაბიჯებად აღიქვამს.
