კლიენტების მოგზაურობა ერთი ქალაქიდან მეორეში უძრავი ქონების დასათვალიერებლად ტამპელი ანტრეპრენერის ახალი გამოგონება
By ანანო ჩხაიძე
You're reading Entrepreneur Georgia, an international franchise of Entrepreneur Media.
ვირტუალური უძრავი ქონების ტურები დღეს იშვიათი არ არის, მაგრამ ტამპელმა ანტრეპრენერმა გადაწყვიტა ამ კონცეფციის ახალ სიმაღლეებზე გადაყვანა. კრისტოფერ ვასილაკისს აქვს პატენტის პროგრამა, რომელიც საშუალებას მისცემს მომავალ მყიდველებს დისტანციურად დაათვალიერონ საკუთრება.
„მე ვნახე შესაძლებლობა", − თქვა ვირტუალური ტურების ხელმძღვანელმა, − „იმის გარკვევა, თუ რისთვის გამოიყენება ტექნოლოგია და რა არის საუკეთესო გზა ადამიანის ერთი ადგილიდან მეორეზე ტრანსპორტირებისთვის. საკმაოდ რთული იყო, მაგრამ საბოლოოდ, ჩვენ უძრავ ქონებასთან მოვედით".
პანდემიის მწვერვალზე, ვასილაკისმა აღმოაჩინა, რომ ეს საუკეთესო საშუალებაა უძრავი ქონების ბაზრის შესანარჩუნებლად. პერსპექტივა შეიძლება იყოს აქ და ძალიან მალე შესაძლებელი გახდეს ვირტუალურად გაიარო არიზონაში ან მსოფლიოს ნებისმიერ წერტილში.
ვასილაკისის კომპანია ახდენს ქონების 360-გრადუსიან სკანირებას, რომლის საშუალებითაც შესაძლებელია ვიზორის, მობილური ტელეფონის, IPAD-ის ან სამუშაო მაგიდის დათვალიერება. ქონების დათვალიერებისას ასევე გეხმარებათ გიდი.
ვასილაკისის თქმით, ეს პროგრამა თამაშს ცვლის, როგორც მყიდველებისთვის, ასევე გამყიდველებისთვის, რადგან ზოგიერთი ქონება შეიძლება ჯერ კიდევ მშენებლობის პროცესშია. „ეს საშუალებას გვაძლევს ნაადრევად დავათვალიეროთ თუნდაც ის ადგილი, თუ სად იქნებოდა ჩვენი სახლი", − თქვა ვასილაკისმა, − „ეს ზოგავს ბევრ ფულს დეველოპერებისთვის და ასევე, ზრდის წინასწარ გაყიდვის შესაძლებლობას".
ვასილაკისის თქმით, ვირტუალური რეალობისა და უძრავი ქონების შეერთება პანდემიის დროს უფრო უსაფრთხო ვარიანტს წარმოადგენს. ის ამბობს, რომ ეს უფრო ხელსაყრელი იარაღი ხდება. „თუკი ჩემი ტელეფონიდან შემიძლია საჭმლის შეკვეთა, მანქანის სერვისის შეკვეთა, შემიძლია გავაკეთო ყველაფერი, რაც მსურს", − განმარტავს იგი, − „რატომ არ შემიძლია დავათვალიერო ქონება ტელეფონიდან?"
დღეს 40-ზე მეტმა მომხმარებელმა ხელი უკვე მოაწერა სახელმძღვანელო ვირტუალურ ტურებს, ხოლო სია კვლავ იზრდება.
